Si Jay-Jay o John Jewel ay isang mag-aaral ng Hospicio de San Jose. Sa kabila ng pagiging middle class ng kanyang pamilya, napakiusapan ang paaralan na tanggapin siya rito. Sa paaralang ito natutunan ni Jay-Jay ang tungkol sa Pondo ng Pinoy. Dito siya nahubog sa pagiipon ng mga barya sa kanyang bote. Humihingi siya sa kanyang mga magulang, o pinupulot sa daan. Agusto 2005 nang magkaroon ng dengue outbreak sa Metro Manila. Isang araw, umuwi siya mula sa paaralan na may napakataas na lagnat. Matapos ang limang araw, siya ay pumanaw. Nang dumalaw ang mga taga-Hospicio sa kanyang lamay, nakita ng kanyang guro ang Pondo ng Pinog na bote sa ilalim ng kanyang kabaong. Kinuha ng kanyang ina ang bote at ibinigay sa guro. Inalay ng guro sa altar sa paaralan ang hindi pa punong bote ni Jay-Jay at pinaalahanan ang mga kamag-aral sa kabutihan ng pagiipon ng mga barya para sa mga mahihirap. Sa ikalawang taong anibersaryo ng Pondo ng Pinoy, binanggit ng butihing Cardinal Gaudencio Rosales, D.D. ang “Ama” at nagtaguyod ng Pondo ng Pinoy ang kwento ni JayJay bilang munting anghel ng Pondo ng Pinoy. Naging halimabawa si Jay-Jay ng mga pusong nais tumulong kahit sa mumunting paraan.